The news is by your side.

Advertisement

سعودی سرمایہ کار پاکستان میں سرمایہ کاری کے خواہشمند

لاہور : سعودی عرب نے پاکستان میں سرمایہ کاری میں دلچسپی کا اظہار کردیا ،وزیراعلیٰ پنجاب نے کہا کہ سعودی عرب کےسرمایہ کاروں کو ہر ممکن سہولتیں فراہم کریں گے۔

تفصیلات کے مطابق وزیراعلیٰ پنجاب حمزہ شہباز سے فیڈریشن آف سعودی چیمبرز کے وفد کی ملاقات ہوئی ، ملاقات میں سعودی وفد نے زراعت، سوشل سیکٹر اور لائیو سٹاک میں سرمایہ کاری میں دلچسپی کا اظہار کردیا۔

وزیراعلیٰ پنجاب نے کہا کہ پنجاب میں سرمایہ کاری کیلئےآپ کےلئےسازگارماحول ہے، اکنامک پارنٹرشپ کےفروغ سےدونوں ملکوں کےعوام کوفائدہ پہنچے گا۔

حمزہ شہباز کا کہنا تھا کہ سعودی عرب کےسرمایہ کاروں کوہرممکن سہولتیں فراہم کریں گے، سعودی عرب نےآزمائش کی ہرگھڑی میں پاکستان کابھرپورساتھ دیا ہے۔

یاد رہے سعودی عرب میں پاکستانی سفارت خانے میں تعینات ٹریڈ منسٹر اظہر علی ڈیہر کا کہا تھا کہ سعودی سرمایہ کار پاکستان سے لائیو سٹاک، باسمتی چاول اور گوشت کے شعبے میں سرمایہ کاری کے خواہاں ہیں لیکن ان کی ڈیمانڈ پوری کرنے اور انڈیا، برطانیہ اور جرمنی کی کمپنیوں کا مقابلہ کرنے کے لیے پاکستانی کمپنیوں کو کنسورشیم بنانے کی ضرورت ہے۔

Comments

یہ بھی پڑھیں