The news is by your side.

Advertisement

سعودی فرمانروا اور ولی عہد کا عید الاضحیٰ پر پیغام

ریاض: سعودی فرمانروا شاہ سلمان بن عبدالعزیز اور ولی عہد شہزادہ محمد بن سلمان نے عید الاضحیٰ کے موقع پر مسلم قائدین کو اپنی اور سعودی عوام کی جانب سے مبارک باد پیش کی۔

سعودی خبررساں ادارے ایس پی اے کے مطابق  عید الاضحیٰ کے موقع پر خصوصی پیغام میں سعودی قائدین نے دعا کی کہ اللہ تعالیٰ امت مسلمہ سمیت دنیا بھر کے انسانوں کو وبا سے نجات دے۔

اس سے قبل شاہ سلمان اور ولی عہد شہزادہ محمد بن سلمان کے نام مسلم قائدین نے الگ الگ پیغامات بھیج کر دونوں رہنماؤں کو عید الاضحیٰ کی مبارکباد پیش کی۔

مسلم قائدین نے پیغامات میں یہ دعا بھی دی تھی کہ اللہ تعالیٰ ایثار و قربانی کا یہ تہوار مسلم امہ کی زندگی میں بار بار لائے، خیر و برکت سے نوازے اور مزید امن و استحکام امت کا مقدر بنے۔

واضح‌ رہے کہ آج سعودی عرب میں‌ عید الاضحیٰ‌ مذہبی جوش و جذبے کے تحت منائی جائے گی جبکہ مملکت میں‌ مقیم شہریوں‌ کو کرونا ایس او پیز پر عملدرآمد کی ہدایت کی ہے.

رواں‌ سال حج کی سعادت بھی صرف سعودی عرب میں‌ مقیم شہریوں‌ نے حاصل کی ہے کرونا کے سبب غیرملکیوں‌ کے لیے حج کے دروازے بند کردئیے گئے تھے.

Comments

یہ بھی پڑھیں