تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

سعودی عرب، وزارتی کونسل میں ردوبدل، وزیر خارجہ تبدیل

ریاض: سعودی فرمانروا شاہ سلمان بن عبدالعزیز کی زیر صدارت اجلاس میں سعودی کابینہ کی ازسر نو تشکیل عمل میں لائی گئی ہے۔

عرب میڈیا کے مطابق سعودی فرمانروا شاہ سلمان بن عبدالعزیز کی زیر صدارت اجلاس میں اہم فیصلے کیے گئے، نئی تشکیل کے تحت عادل الجبیر کی جگہ ابراہیم العساف کو نیا وزیر خارجہ بنایا گیا ہے جبکہ عادل الجبیر اب وزیر مملکت برائے خارجہ امور ہوں گے۔

عبداللہ بن عبدالعزیز کو نیشنل گارڈ کا وزیر مقرر کیا گیا ہے ان کے علاوہ ترکی الشبانہ وزیر اطلاعات اور حمد آل الشیخ وزیر تعلیم ہوں گے، عسیر کے گورنر فیصل بن خالد کو سبکدوش کرکے ان کی جگہ ترکی بن طلال کو نیا گورنر مقرر کیا گیا ہے۔

مزید پڑھیں: سعودی عرب انتہا پسندی کے خلاف جنگ جاری رکھے گا، شاہ سلمان

سیاحت سے متعلق اتھارٹی کے سربراہ سلطان بن سلمان کو ان کے عہدے سے سبکدوش کرکے مملکت میں اسپیس اتھارٹی کا سربراہ مقرر کیا گیا ہے۔

شاہی فرمان کے تحت الجوف صوبے کے گورنر بدر بن سلطان کی جگہ فیصل بن نواف کو نیا گورنر بنایا گیا ہے، کابینہ کے وزیر مساعد العیبان کو قومی سلامتی کا مشیر مقرر کیا گیا ہے۔

ترکی الشیخ کو اسپورٹس اتھارٹی کی سربراہی سے ہٹا کر ان کی جگہ عبدالعزیز بن ترکی کو نیا سربراہ بنایا گیا ہے جبکہ ترکی الشیخ کو انٹرٹینمنٹ اتھارٹی کا سربراہ مقرر کیا گیا ہے۔

جنرل خالد بن قرار الحربی کو مملکت کی جنرل سیکیورٹی کا ڈائریکٹر بنایا گیا ہے۔

Comments

- Advertisement -