شاہ سلمان کی اقوام متحدہ کے سیکریٹری جنرل سے اہم ملاقات -
The news is by your side.

Advertisement

شاہ سلمان کی اقوام متحدہ کے سیکریٹری جنرل سے اہم ملاقات

جدہ: سعودی عرب کے شاہ فرمانرواں اور خادم الحرمین شریفین شاہ سلمان بن عبد العزیز کی اقوام متحدہ کے سیکریٹری جنرل آنتونیو گوتیریس سے ملاقات ہوئی  جس میں دونوں رہنماؤں نے مختلف امور پر تبادلہ خیال کیا۔

تفصیلات کے مطابق شاہ سلمان بن عبدالعزیز نے اتوار کے روز جدہ میں اقوام متحدہ کے دفتر کا دورہ کیا اور سیکریٹری جنرل سے تفصیلی ملاقات کی۔

دوران ملاقات دونوں رہنماؤں نے عالمی امن و استحکام کو یقینی بنانے اور بین الاقوامی سطح پر پیش آنے والے واقعات سے متعلق سعودی عرب کی جانب سے کی جانے والے کوششوں کا جائزہ لیا۔

عرب میڈیا کے مطابق سعودی فرمانرواں نے جدہ کے دورے پر آئے اقوام متحدہ کے سیکریٹری جنرل کو ملاقات کی دعوت دی تھی۔

واضح رہے کہ اقوام متحدہ کے سیکریٹری جنرل آنتونیو گوتیریس ایتھوپیا اور اریٹیریا کے مابین ہونے والے امن معاہدے کی تقریب میں شرکت کے لیے جدہ پہنچے تھے۔

ایتھوپیا اور اریٹیریا نے دو ماہ قبل 20 برس سے جاری سرحدی تنازعات کو ختم کرنے کی رضامندی ظاہر کرتے ہوئے فوری طور پر جنگ کے خاتمے کا اعلان کیا تھا جسے عالمی ممالک نے سراہا تھا۔

Comments

comments

یہ بھی پڑھیں