سعودی عرب، قطر اور کویت نے اسرائیلی آباد کاری کو یکسر مسترد کر دیا ہے۔
سعودی عرب نے مغربی کنارے پر اسرائیلی خود مختاری سے متعلق اشتعال انگیز بیان کی شدید مذمت کی ہے، ترجمان سعودی وزارتِ خارجہ کا کہنا ہے کہ اسرائیلی وزراء کے اشتعال انگیز بیانات بین الاقوامی قراردادوں کی خلاف ورزی ہیں۔
سعودی عرب یہودی آباد کاری کو وسعت دینے کی ہر کوشش کو مسترد کرتا ہے، ہم آزاد فلسطینی ریاست کا قیام چاہتے ہیں جس کا دارلحکومت مشرقی بیتِ المقدس ہو۔
ایران اسرائیل کشیدگی سے متعلق تمام خبریں
قطر نے بھی مغربی کنارے میں یہودی آباد کاری اور نسل پرستانہ کارروائیوں کو مسترد کر دیا، قطری وزارتِ خارجہ کا کہنا کہ مغربی کنارے پر اسرائیلی خود مختاری کا مطالبہ عالمی قراردادوں کے منافی ہے، دو ریاستی فارمولہ ہی مسئلہ فلسطین کا واحد حل ہے۔
کویتی وزارتِ خارجہ کے بیان مطابق کویت فلسطینی بھائیوں کی مکمل حمایت جاری رکھے گا، ایک آزاد فلسطینی ریاست کا قیام انیس سو سڑسٹھ کی سرحدوں کے مطابق ہونا چاہیے۔
خیال رہےکہ اسرائیلی وزیر انصاف نے ایک متنازعے بیان میں کہا تھا کہ اسرائیل کے پاس غرب اردن کو ضم کرنے کا بہترین موقع ہے اور تل ابیب کو اس موقعے کو ضائع نہیں کرنا چاہیے۔
دوسری جانب بین الاقوامی عدالت انصاف نے گذشتہ برس جولائی میں اسرائیل کے فلسطینی علاقوں پر قبضے کو غیر قانونی قرار دیتے ہوئے مغربی کنارے میں تمام اسرائیلی بستیوں کو خالی کرنے کا کہا تھا۔
