ریاض: سعودی شہری نے ایک ہی دن میں 4 شادیاں کر کے نیا تنازع کھڑا کردیا، سماجی رابطے کی ویب سائٹ پر صارفین فیصلے پر تنقید کرتے نظر آئے۔
تفصیلات کے مطابق ایک یا اس سے زائد شادیاں کرنا ویسے تو معمول کی بات ہے مگر ایک ہی دن میں یہ ناممکن امر نظر آتاہے، سعودی عرب کے نوجوان نے اتوار کے روز بیک وقت 4 شادیاں کر کے نئی مثال قائم کردی۔
شادی کے لیے اچھا جیون ساتھی ملنا ہر کسی کی خواہش ہوتی ہے کیونکہ ہر شخص یہ چاہتا ہے کہ اُس کی شروع ہونے والی ازدواجی زندگی خوشگوار ہو تاکہ مزید عمر اچھے وقت میں بسر کی جاسکے۔
عرب میڈیا کے مطابق سعودی شہری نے ایک ہی دن میں چار مراکشی خواتین سے شادی کر کے ایک طویل بحث چھیڑ دی، سوشل میڈیا پر جب یہ خبر سامنے آئی تو صارفین نے فیصلے پر تنقید کی جبکہ کچھ نے اس اقدام کو سراہا۔
مزید پڑھیں: ایک ہی دن میں 3 خواتین سے شادی کرنے والا 50 سالہ شہری
سعودی عرب میں اس ہیش ٹیگ نے ٹرینڈ بھی کیا، صارفین کی بڑی تعداد نے اس خبر کو مزاق سمجھا۔
خالد الفقیری کا کہنا تھا کہ یہ کیسے ممکن ہے مرد بیک وقت چار شادیاں کرے؟۔
واضح رہے کہ اس سے قبل جنوبی افریقا میں انوکھا واقعہ پیش آیا تھا کہ جب 50 سالہ شخص آہن نے دو سگی بہنوں سمیت تین خواتین سے بیک وقت شادی کی تھی۔
آہن کی دو بیویاں نوجوان 24 اور 27 برس جبکہ ایک 48 برس تھی، ولیمے کے روز دلہا اور تینوں خواتین عروسی ملبوسات زیب تن کیے اسٹیج پر آئیں تھیں اور وہ اس موقع پر خوش بھی دکھائی دے رہی تھیں۔
واضح رہے کہ کچھ روز قبل محققین نے غیر شادی شدہ افراد کو خبردار کرتے ہوئے کہا تھا کہ اگر وہ دماغی بیماری خصوصا بھولنے کی بیماری سے محفوظ رہنا چاہتے ہیں تو جلد شادی کرلیں۔
تحقیق کے مطابق شادی شدہ افراد کا دماغ متحرک رہتا ہے جس کی وجہ سے انہیں تمام باتیں یاد رہتی ہیں جبکہ غیر شادی شدہ افراد سستی کی وجہ سے باتیں بھول جاتے ہیں۔
