سعودی عرب کے وزیر توانائی و قدرتی وسائل احمد حامد الغامدی پاکستان پہنچ گئے
The news is by your side.

Advertisement

سعودی عرب کے وزیر توانائی و قدرتی وسائل احمد حامد الغامدی پاکستان پہنچ گئے

اسلام آباد : وزیراعظم عمران خان کے دورہ سعودی عرب کے بعد سعودی وزیر توانائی و قدرتی وسائل احمد حامد الغامدی پاکستان پہنچ گئے، سعودی وزیر کی قیادت میں وفدوزیر خزانہ اسد عمر سےملاقات کرے گا، سعودی عرب کوایل این جی پلانٹس میں سرمایہ کاری کی دعوت دی جائے گی۔

تفصیلات کے مطابق سعودی عرب کےوزیر توانائی و قدرتی وسائل احمد حامد الغامدی پاکستان پہنچ گئے ، سعودی وزیر نے وفاقی وزیر برائے توانائی عمر ایوب سے ملاقات کی، اس کے علاوہ میشر برائے تجارت رزاق داود سے سعودی وزیر کی ملاقات ہوئی جبکہ وہ توانائی چیئرمین سرمایہ کاری بورڈ سے بھی ملے۔

ملاقاتوں میں مختلف شعبوں میں تعاون پر تبادلہ خیال کیا گیا۔

احمد حامد الغامدی وزیر خزانہ اسد عمر سے ملاقات کریں گے، ملاقات میں توانائی، صنعت و تجارتی شعبے میں تعاون پر تبادلہ خیال کیا جائے گا۔

پاکستان کی جانب سے سعودی عرب کوایل این جی پراجیکٹ میں شراکت داری کی پیشکش کی جائے گی اور ایل این جی پراجیکٹ میں سعودی سرمایہ کاروں کو شیئرز پیش کیے جائیں گے۔

ذرائع کا کہنا ہے کہ سعودی عرب اور پاکستان کے درمیان مذاکرات کا پہلادور آج سے شروع ہوگیا ہے، جس میں سعودی حکام کومعیشت پربریفنگ دی جائےگی اور معاشی چیلنجزسے آگاہ کیا جائے گا۔

ذرائع کے مطابق سعودی حکام کوسعودی گرانٹ کامعاملہ زیرغور آئے گا جبکہ بھاشا دیامر اور مہمند ڈیم میں سرمایہ کاری، ریکوڈک میں سرمایہ کاری پربریفنگ دی جائے گی۔

مزید پڑھیں : اہم معاہدوں پر گفتگو کیلئے سعودی عرب کے اعلی سطحی وفد کی پاکستان آمد

سعودی حکام سے ادھار تیل کےحصول پر بات چیت ہوگی اور حکام کو بیرونی ادائیگیوں کےدباؤپربریفنگ دی جائےگی جبکہ معاشی اصلاحات سے آگاہ کیا جائے گا۔

ذرائع کا کہنا ہے کہ وزارت خزانہ،خارجہ،تیل و گیس بھی مذاکرات میں حصہ لےگی اور وزارت منصوبہ بندی،توانائی،آبی وسائل بھی بات چیت میں شریک ہوگی۔

سعودی وزیرخزانہ محمد بن عبداللہ منگل یا بدھ کو پاکستان آئیں گے، دوطرفہ وزارت خزانہ کی تجاویز سعودی وزیرخزانہ کو پیش کی جائیں گی اور سعودی وزیرخزانہ کی آمد کے بعد معاہدوں کو حتمی شکل دی جائے۔

یاد رہے گذشتہ روز سعودی عرب کی معاشی ٹیم پاکستان پہنچی تھی۔

خیال رہے وزیراعظم عمران خان نے اپنے دورہ سعودی عرب میں وزیر اعظم عمران خان نے شاہ سلمان بن عبد العزیز اور ولی عہد محمد بن سلمان ، سعودی وزير تونائی خالد الفالح، صدر سعودی انویسٹمنٹ فنڈ اور ایڈوائزر سعودی کابینہ سے ملاقاتیں کی تھیں۔

ملاقات میں باہمی دلچسپی کے امور اور دو طرفہ تعلقات پر بات چیت کی گئی۔ ملاقات میں تجارت، سرمایہ کاری اور اقتصادی تعلقات پر تبادلہ خیال کیا گیا جبکہ دونوں ممالک میں تجارتی رابطے مزید بہتر کرنے پر غور کیا گیا۔

سعودی فرمانروا وزیر اعظم کے اعزاز میں شاہی محل میں ضیافت کا اہتمام بھی کیا گیا۔

Comments

comments

یہ بھی پڑھیں