سعودی عرب کی وزارت حج و عمرہ نے مسجد الحرام میں گمشدہ اشیاء سے متعلق اہم انتباہ جاری کر دیا ہے۔
بین الاقوامی خبر رساں ادارے کی رپورٹ کے مطابق وزارت حج و عمرہ کا کہنا تھا کہ عظیم الشان مسجد خانہ کعبہ میں اللہ کے مہمان، اپنے اموال کا خیال رکھیں، اور انہیں کھونے کی صورت میں یہ اقدامات اُٹھائیں۔
1- المروہ کے پاس کھوئے ہوئے اور پائے گئے دفتر میں جائیں۔
2- ”ابشر“پلیٹ فارم کے ذریعے الیکٹرانک رپورٹ درج کرائیں۔
وزارت حج و عمرہ نے اشارہ کیا کہ جب گمشدہ اشیاء مل جائیں تو انہیں گمشدہ اور مل گئے دفتر کے حوالے کریں اور سیکیورٹی اہلکاروں کو اس حوالے سے آگاہ کریں۔
دوسری جانب حج کے خواہشمند افراد کے لیے اچھی خبر ہے کہ حکومت نے درخواستوں کی وصولی کی تاریخ بڑھا دی۔
ترجمان مذہبی امور کے مطابق حج درخواستوں کی وصولی میں 10روز کی توسیع کر دی گئی سرکاری حج اسکیم میں درخواستیں 22 دسمبر تک جمع کرا سکتے ہیں۔
ترجمان نے کہا کہ بیرون ملک سے ڈالرز میں ادائیگی کرنے والے بلا قرعہ اندازی کامیاب ہوں گے۔ گزشتہ 5سال کے دوران حج کرنیوالے درخواست دینے کے اہل ہیں۔
سعودی عرب نے غیر ملکی عازمین حج کو خوشخبری سنادی
وفاقی وزیر مذہبی امور انیق احمد نے کہا ہے کہ حج درخواستوں کی وصولی کی مدت 10روز بڑھائی جارہی ہے، انیق احمد کا کہنا تھا کہ سرکاری ریگولر حج اسکیم، اسپانسر شپ اسکیم کے تحت درخواستیں وصول کی جائیں گی۔
