ریاض : سعودی نرس نے طیارے میں سوار خاتون کو ابتدائی طبی امداد فراہم کرکے حرکت قلب دوبارہ بحال کردی۔
غیر ملکی خبر رساں ادارے کی رپورٹ خاتون نرس اپنے بیٹے کے ہمراہ عرعر شہر سے دارالحکومت ریاض جارہی تھی کہ اچانک طیارے میں ایک خاتون مسافر کے بے ہوش ہونے کا اعلان ہوا۔
26 برس تک عرعر اسپتال میں مریضوں کی خدمت کرنے والی میثاالعنزی اعلان سن کر فرض شناسی کا ثبوت دیتے ہوئے بے ہوش خاتون کے پاس پہنچی اور خاتون کی حرکت قلب کو بحال کیا۔
حدود شمالیہ کے گورنر کو نرس کی پیشہ ورانہ خدمات کا علم ہوا تو انہوں نے میثاالعنزی کو اپنے دفتر بلاکر اعزاز سے نوازا۔
گورنر شہزادہ فیصل بن خالد بن سلطان کا کہنا تھا کہ حکومت، خواتین کو اپنے قدموں پر کھڑے ہونے اور اخلاص کے ساتھ ملک و قوم کی خدمت پر نوازنے کا شیوہ رکھتی ہے۔
Comments
- Advertisement -