کراچی : کراچی سے جدہ جانے والے سعودی ایئرلائن کے طیارے کے انجن میں اڑان بھرتے ہی آگ بھڑک اٹھی تاہم کپتان نے طیارے کو بحفاظت اتار لیا۔
تفصیلات کے مطابق کراچی سے جدہ جانے والی سعودی ایئرلائن حادثے سے بچ گئی ، اڑان بھرنے کے کچھ ہی دیر بعد طیارے کے انجن سے چنگاری نکلنا شروع ہوئی۔
جس کے بعد فائر الارم کی وارننگ پر کپتان نے ایئر ٹریفک کنٹرولر سے رابطہ کرکے ہنگامی لینڈنگ کی اجازت طلب کی۔
سعودی ایئرلائن کی ہنگامی لینڈنگ پر فائر بریگیڈ اور پیرامیڈیکل اسٹاف کوطلب کیا گیا۔
ایئرپورٹ ذرائع نے کہا کہ ایئر ٹریفک کنٹرولر کی رہنمائی اور مدد سےطیارے کو بحفاظت اتار لیا گیا۔
مزید پڑھیں : ترکش ائیرلائن کا طیارہ بڑے حادثے سے بال بال بچ گیا
اس سے قبل کراچی ائیرپورٹ پر استنبول کیلئے جانے والی ترکش ائیرلائن کی پرواز حادثے سے بال بال بچ گئی۔
طیارہ اڑان بھرنے کیلئے ٹی کے 709 ٹیکسی وے پہنچا تو پرندہ ٹکرا گیا ، طیارے سے پرندہ ٹکرانے پر کپتان نے ایمرجنسی بریک لگائی۔
ترکش ایئرلائن کی پرواز واپس لاکر مسافروں کو لاؤنج منتقل کردیا گیا اور تکنیکی عملے نے معائنے کے بعد جہاز کو گراؤنڈ کردیا۔
