The news is by your side.

Advertisement

سعودی ولی عہد سے امریکی وزیر خزانہ کی ملاقات، اقتصادی معاملات پر تبادلہ خیال

ریاض: سعودی ولی عہد شہزادہ محمد بن سلمان سے امریکی وزیر خزانہ اسیٹون منوچن نے ملاقات کی اس دوران دونوں ملکوں کے درمیان تجارتی معاملات پر گفتگو ہوئی۔

تفصیلات کے مطابق سعودی دارالحکومت ریاض میں سلطان بن سلمان سے اسیٹون منوچن نے ملاقات کی، دونوں رہنماؤں نے اقتصادی اور تجاری لین دین کو بہتر بنانے پر اتفاق کیا۔

ملاقات کے دوران دونوں رہنماؤں نے سعودی امریکا تعلقات کی مزید مضبوطی پر زور دیا، اور اقتصادی معاملات کو موثر بنانے پر بھی تبالہ خیال کیا۔

خیال رہے کہ سعودی صحافی جمال خاشقجی کے قتل کے معاملے پر سعودی عرب اور امریکا کے تعلقات خوشگوار نہیں ہیں، اسی لیے امریکی وزیر خزانہ سے سعودی ولی عہد کی اس ملاقات کو اہم قرار دیا جارہا ہے۔

جمال خاشقجی کیس، سعودی وضاحت سے مطمئن نہیں، ٹرمپ

دو روز قبل امریکی صدر ڈونلڈ ٹرمپ نے سعودی صحافی جمال خاشقجی کے قتل سے متعلق سعودی وضاحت اور تحقیقات پر عدم اعتماد کا اظہار کرتے ہوئے کہا تھا کہ جب تک ہمیں جواب نہیں ملتا میں مطمئن نہیں ہوں۔

دورسری جانب سعودی وزیر خارجہ عادل الجبیر اس بات کا اعتراف کرچکے ہیں کہ جمال خاشقجی کی موت کا واقعہ ایک سنگین غلطی تھا اور اس کیس میں ملوث ذمے داروں کا احتساب کیا جائے گا۔

یاد رہ کہ دو روز قبل سعودی حکام نے قتل کا اعتراف کرتے ہوئے کہا تھا کہ سعودی صحافی جمال خاشقجی استنبول میں واقع قونصل خانے میں لڑائی کے دوران ہلاک ہوئے۔ اس سے قبل اس اہم معاملے پر ٹال مٹول سے کام لیا جارہا تھا۔

Comments

comments

یہ بھی پڑھیں