ریاض: سعودی عرب کے شاہی خاندان سے تعلق رکھنے والے شہزادہ مشہور بن مساعد بن عبدالعزیز آل سعود انتقال کرگئے۔
عرب میڈیا کے مطابق سعودی ایوان شاہی نے بیان جاری کرتے ہوئے بتایا کہ شہزادہ مشہور بن مساعد بن عبدالعزیز دار فانی سے کوچ کرگئے، ان کی نماز جنازہ آج ریاض میں ادا کی جائے گی۔
شہزادہ مشہور بن مساعد بن عبدالعزیز کی تدفین ریاض کے قبرستان میں کی جائے گی۔
- Advertisement -
ایوان شاہی نے متوفی کی مغفرت اور درجات کی بلندی کے لیے دعا کی ہے۔
مزید پڑھیں: سعودی شہزادہ ترکی بن ناصر بن عبدالعزیز السعود انتقال کر گئے
واضح رہے کہ گزشتہ دنوں سعودی شہزادے ترکی بن ناصر بن عبد العزیز السعود بھی 72 سال کی عمر میں خالق حقیقی سے جا ملے تھے۔
ترکی بن ناصر کی نماز جنازہ اتوار کو مملکت کے دارالحکومت ریاض میں ادا کی گئی تھی۔
