The news is by your side.

Advertisement

حوثی باغیوں کی سعودی عرب پر ڈرون حملے کی کوشش ناکام، 6 افراد زخمی

ریاض: حوثی باغیوں کی جانب سے سعودی عرب کی جانب بھیجا گیا ڈرون فضا میں ہی تباہ کردیا گیا، البتہ 6 افراد زخمی ہوئے۔

تفصیلات کے مطابق حوثی باغیوں نے سعودی عرب کے شہر ‘ابہا‘ میں ڈرون کے ذریعے شہریوں کو نشانہ بنانے کی کوشش کی تھی تاہم سعودی اتحادی افواج نے ناکام بنا دیا۔

غیر ملکی خبر رساں ادارے کا کہنا ہے کہ ترجمان سعودی اتحادی افواج ترکی المالکی کے مطابق تباہ ہونے والے ڈرون کے ملبے سے معلوم ہوا کہ یہ ڈرون ایرانی ساخت کا تھا۔

انہوں نے حوثی باغیوں کو خبردار کیا کہ وہ عام شہریوں پر حملہ کرنے سے باز آجائیں، بصورت دیگر عالمی قوانین کے مطابق سخت ایکشن لیا جائے گا۔

ترجمال سول ڈیفنس کرنل محمد الاسامی کا کہنا ہے کہ ڈرون کا ملبہ گرنے سے خواتین سمیت 6 شہری زخمی بھی ہوئے، کامیاب کارروائی میں ڈروان مار گرایا۔

دوسری جانب حکام نے موقف اختیار کیا ہے کہ حوثی باغیوں کی جانب سے امن ڈیل کی خلاف ورزی کی جارہی ہے، اقوام متحدہ اور دیگر عالمی طاقتیں معاملے کو دیکھیں، حوثی امن مذاکرات کا ناجائزہ فائدہ اٹھا رہے ہیں۔

حوثی جنگجو امن معاہدے کی پاسداری نہیں‌ کررہے، متحدہ عرب امارات کا الزام

خیال رہے کہ گذشتہ دنوں اماراتی حکام نے الزام عائد کیاتھا کہ حوثی جنگجو اسٹاک ہوم معاہدے کی مسلسل خلاف ورزی کررہے ہیں، حوثیوں نے دو ہفتے قبل بھی الحدیدہ میں سرکاری افواج کی تعیناتی میں بھی رکاوٹیں ڈالیں۔

واضح رہے کہ گزشتہ برس دسمبر میں یورپی ملک سویڈن میں اقوام متحدہ کے تحت ہونے والے امن مذاکرات میں دونوں فریقن کے درمیان حدیدہ شہر میں جنگ بندی سمیت کئی نکات پر اتفاق ہوا تھا جس کے بعد یمن میں گذشتہ کئی برسوں سے جاری جنگ کے ختم ہونے کی امید پیدا ہوئی تھی۔

Comments

comments

یہ بھی پڑھیں