پیرس کے ہوٹل سے سعودی شاہی خاندان کے کروڑوں مالیت کے زیورات چوری saudi royal's jewels
The news is by your side.

Advertisement

پیرس کے ہوٹل سے سعودی شاہی خاندان کے کروڑوں مالیت کے زیورات چوری

پیرس: سعودی شاہی خاندان کے 11 کروڑ 46 لاکھ روپے مالیت کے زیورات پیرس کے مشہور رٹز ہوٹل سے چوری ہوگئے، چوری کی رپورٹ درج کرادی گئی۔

عرب میڈیا کے مطابق پیرس کے مشہور رٹز ہوٹل سے سعودی شاہی خاندان کے 3.4 ملین درہم (11 کروڑ 46 لاکھ روپے) مالیت کے زیورات چوری ہوگئے، جس کی رپورٹ درج کرادی گئی ہے۔

سعودی شاہی خاندان کے فرد نے نام نہ ظاہر کرتے ہوئے بتایا ہے کہ چوری کی واردات جمعہ کی دوپہر کو ہوئی اور چوری شدہ زیورات و جوہرات کی مالیت 9 لاکھ 30 ہزار ڈالر یعنی 11 کروڑ 46 لاکھ روپے کے لگ بھگ ہے۔

میڈیا کے مطابق فائیواسٹار ہوٹل میں چوری کا یہ دوسرا واقعہ ہے جس میں اس بار سعودی شاہی رکن کو ہدف بنایا گیا ہے جو اس ہوٹل میں رہائش پذیر تھے۔

مشہور ہوٹل سیاحتی مقام پلیس وینڈم کے قرب میں واقع ہے، چوری کی واردات کے فوراً بعد فرانس کی ایک خاص تفتیشی ٹیم نے تفتیش شروع کردی ہے۔

واضح رہے کہ رواں سال جنوری میں اسی فائیو اسٹار ہوٹل کے اندر واقع جیولری کی دکانوں سے مسلح افراد نے 40 لاکھ یورو کے زیورات لے اُڑے تھے۔

مزید پڑھیں: سعودی شہری انڈونیشین ہوٹل میں‌ قیام نہ کریں، سعودی سفیر نے خبردار کردیا

خیال رہے کہ اس سے قبل انڈونیشیا میں سعودی عرب کے سفیر اسامہ محمد عبداللہ نے سعودی شہریوں کو خبردار کیا تھا کہ وہ جکارتہ شہر میں واقع ہوٹل میں قیام سے گریز کریں۔

سعودی سفیر نے سماجی رابطے کی ویب سائٹ ٹویٹر پر جاری تنبیہ میں سعودی شہریوں کو بتایا تھا کہ ہوٹل کے کمروں سے براہ راست اور لاکرز سے بالواسطہ چوریوں کی اطلاعات موصول ہوئی ہیں۔

Comments

comments

یہ بھی پڑھیں