The news is by your side.

Advertisement

سعودی عرب کا خلیجی ممالک میں مقیم غیر ملکیوں کے لیے اہم اعلان

سعودی عرب نے اعلان کیا ہے کہ خلیجی ممالک میں مقیم غیر ملکیوں کو بھی سیاحتی ویزے جاری کیے جائیں گے تاکہ سیاحت کے شعبے کو سنبھالا مل سکے۔

سعودی ویب سائٹ کے مطابق سعودی وزیر سیاحت احمد الخطیب نے کہا ہے کہ وزارت خلیجی تعاون کونسل، جی سی سی ممالک میں سکونت پذیر غیر ملکیوں کو بھی سیاحتی ویزے جاری کرے گی۔

وزیر سیاحت کا کہنا تھا کہ قومی پروگرام کے مطابق سنہ 2030 تک مملکت کی مجموعی قومی پیداوار میں سیاحت کا حصہ 10 فیصد تک مقرر کیا گیا ہے۔

انہوں نے کہا کہ سیر و سیاحت کے شعبے کو چلانے کے سلسلے میں پرائیوٹ سیکٹر کی حیثیت انتہائی اہم ہے، گزشتہ سال سیاحت کا شعبہ 40 فیصد تک سمٹ گیا تھا۔ بیرون ملک سے آنے والے سیاحوں کی تعداد کرونا وبا کی وجہ سے 50 لاکھ رہ گئی تھی۔

الخطیب کا کہنا تھا کہ جی سی سی ممالک میں مقیم غیر ملکیوں کو بھی سیاحتی ویزے جاری ہوں گے، اس سال الدرعیہ پروجیکٹ کے تحت البجیری زون کا افتتاح ہوگا۔

انہوں نے کہا کہ مملکت نے سنہ 2019 میں سیاحتی ویزے جاری کرنا شروع کیے تھے جس کا اب تک سلسلہ جاری ہے، آنے والے سیاحوں پر کوئی خاص پابندی نہیں ہے۔

Comments

یہ بھی پڑھیں