The news is by your side.

Advertisement

سعودی خاتون نے حب الوطنی کی شاندار مثال قائم کردی، ویڈیو وائرل

ریاض : سعودی عرب کے شہر تبول میں ایک مقامی خاتون نے اپنے ملک سے محبت کی مثال قائم کرتے ہوئے اس کو صاف ستھرا رکھنے کا عزم کیا ہوا ہے۔

سوشل میڈیا پر ویڈیو دیکھ کر صارفین نے ان کے اس اقدام کو خوب سراہا اور ان ہمت اور حوصلے کی دل کھول کر تعریف کی۔

سوشل میڈیا پر ایک سعودی خاتون کی وڈیو وائرل ہورہی ہے جو تبوک کے ایک اسکول کی دیواروں پر لکھی تحریروں اور بنائی گئی شکلوں کو رضا کارانہ طور پر صاف کرنے کے لیے ان پر رنگ و روغن کررہی ہیں۔

 

سعودی ذرائع ابلاغ کے مطابق ایک فوٹو گرافر نے ان کی وڈیو بناکر سوشل میڈیا پر ’تبوک کی بیٹی … خدمت کا نیا انداز‘ کے عنوان سے شیئر کی جسے خوب سراہا جا رہا ہے۔

ویڈیو دیکھنے اور اس پر تبصرہ کرنے والے بیشتر صارفین نے اس بات پر زور دیا کہ معاشرے کے ہر فرد کو سماج کی فلاح و بہبود والے کاموں میں رضا کارانہ طور پر حصہ لینا چاہئے اور یہ حب الوطنی کا بنیادی تقاضا ہے۔

Comments

یہ بھی پڑھیں