ریاض: سعودی عرب نے پاکستان، برازیل، ویتنام سمیت دیگر ممالک پر عائد فضائی سفری پابندیاں ختم کرنے کا اعلان کردیا۔
سعودی گیزیٹ کی رپورٹ کے مطابق سعودی حکومت نے جمعرات کے روز مختلف ممالک پر عائد سفری پابندیوں کو ختم کرنے کا اعلان کیا ہے۔
سفری پابندی ختم ہونے کے بعد یکم دسمبر سے پاکستان، انڈونیشیا، برازیل، ویتنام، مصر اور بھارت سے مسافر براہ راست سعودی عرب جاسکیں گے۔
#BREAKING: #SaudiArabia allows direct entry of travelers from Indonesia, Pakistan, Brazil, Vietnam, Egypt and India starting from next Wednesday December 1, 2021 pic.twitter.com/tYi6FwsRgw
— Saudi Gazette (@Saudi_Gazette) November 25, 2021
وزارتِ داخلہ کے مطابق مسافروں کو اپنی کرونا ویکسی نیشن کی تفصیلات پہلے سے فراہم کرنا ہوں گی جبکہ سعودی عرب کی جانب سے منظور کی جانے والی ویکسین کی بوسٹر ڈوز بھی لگوانی ہوگی۔
ذرائع کے مطابق سعودی عرب پہنچنے کے بعد مسافروں کو پانچ روز قرنطینہ میں گزارنے ہوں گے جبکہ روانگی سے 72 گھنٹے قبل کی پی سی آر رپورٹ دکھانی ہوگی۔
بدھ 01/12/2021 کی صبح ایک بجے سے،چھ ممالک سے مملکت سعودیہ عربیہ میں براہ راست داخلے کی اجازت ہوگی 14 دن باہر گزارنے کی ضرورت نہیں، صرف پانچ دن قرنطینہ میں گزانے کا سرٹیفیکیٹ درکار ہوگا https://t.co/OR5Bqniqo7
— السفارة في باكستان – سعودی سفارت خانہ (@KSAembassyPK) November 25, 2021
سعودی عرب نے افغانستان، ایتھوپیا، لبنان اور ترکی پر عائد سفری پابندیاں برقرار رکھنے کا اعلان بھی کیا ہے۔
اعتباراً من الساعة الواحدة من صباح يوم الأربعاء الموافق 01 / 12 / 2021م ، السماح بالقدوم المباشر إلى المملكة من (6) دول دون الحاجة إلى قضاء (14) يومًا خارجها مع تطبيق الحجر الصحي المؤسسي لمدة (5) أيام. pic.twitter.com/NWaZojzP5n
— وزارة الداخلية (@MOISaudiArabia) November 25, 2021
اس سے قبل پاکستان، انڈیا، انڈونیشیا، برازیل، مصر اور ویتنام سے آنے والوں کو اب کسی دوسرے ملک میں 14 دن قیام کرنے کی ضرورت نہیں ہوگی اور وہ براہ راست سعودی عرب کا سفر کر سکیں گے۔
دوسری جانب فضائی سفری پابندی ختم ہونے کے بعد مذکورہ ممالک پر عائد عمرہ پابندی بھی ختم ہوجائے گی، انڈونیشیا، پاکستان، بھارت کے زائرین کو آئندہ ماہ سے عمرہ ادائیگی کی اجازت بھی ہوگی۔
BREAKING | Umrah Resumes for largest pilgrim sending countries, Indonesia, Pakistan and India starting next month
— Haramain Sharifain (@hsharifain) November 25, 2021
پاکستان انٹرنیشنل ایئرلائن (پی آئی اے) کے ذرائع نے سفری پابندیاں ختم پر ردعمل دیتے ہوئے کہا ہے کہ سعودی ایوی ایشن کی جانب سے تحریری اجازت نامہ ملتے ہی ٹکٹوں کی بکنگ شروع کردی جائے گی۔
