کیپ ٹاؤن: بنگال ٹائیگرز نے پروٹیز کے دیس میں تاریخ رقم کردی۔
تفصیلات کے مطابق بنگلا دیش نے تیسرے اور فیصلہ کن ایک روزہ میچ میں جنوبی افریقا کو ریکارڈ 9 وکٹوں سے شکست دے کر سیریز اپنے نام کرلی۔
اسی کے ساتھ ہی بنگلہ دیش کرکٹ ٹیم اپنے ملک سے باہر پہلی مرتبہ سیریز جیتنے میں کامیاب ہوا۔
یہ پہلا موقع ہے جب بنگلا دیش نے پروٹیز کے دیس میں سیریز پہلی بار ون ڈے سیریز جیتی ہے، اس سے قبل بنگال ٹائیگرز نے جنوبی افریقا کی سرزمین پر 19 ایک روزہ میچز کھیلے جس میں انہیں ناکامی کا منہ دیکھنا پڑا تھا۔
An historic day for Bangladesh in South Africa.
Match report 👇https://t.co/Frm3CUdGNq
— ICC (@ICC) March 23, 2022
حالانکہ پروٹیز ٹیم بھی زبردست فارم میں تھی اور اس نے جنوری میں بھارت کو ون ڈے سیریز میں کلین سوئپ کیا تھا جبکہ بھارت کو ٹیسٹ سیریز میں بھی شکست سے دوچار کیا تھا تاہم بنگال ٹائیگرز نے جنوبی افریقا کو تمام شعبوں میں آؤٹ کلاس کرتے ہوئےتاریخی فتح حاصل کی۔
تیسرے اور آخری میچ میں کپتان تمیم اقبال نے ناقابل شکست 87 رنز کے ساتھ مثال کی قیادت کی اور اس بات کو یقینی بنایا کہ انہوں نے آخر تک اپنا بلے بازی کرتے ہوئے اپنی ٹیم کو جیت سے ہمکنار کیا۔ انہیں ساتھی اوپنر لٹن داس نے اچھا سپورٹ کیا، جس کے ساتھ انہوں نے 155 کے ہدف پر 127 رنز بنائے۔
اس سے قبل جنوبی افریقا نے سپر اسپورٹس پارک سنچورین میں کھیلے جارہے تیسرے ڈے نائٹ اور فیصلہ کن ون ڈے میچ میں ٹاس جیت کر پہلے بیٹنگ کا فیصلہ کیا، جہاں پروٹیز ٹیم بنگلا دیشی فاسٹ بولر تسکین احمد کی شاندار بولنگ کے باعث 37 اوورز میں 154 رنز بنا کر آؤٹ ہوئی۔
History for Bangladesh 🎉
They record their first-ever bilateral ODI series victory in South Africa with an emphatic nine-wicket win in the final match 👏 #SAvBAN pic.twitter.com/OJoAisR1OI
— ICC (@ICC) March 23, 2022
پروٹیز کی جانب سے کوئی بیٹر بھی نصف سنچری اسکور نہ کر سکا ، میلان 39 ، ڈیوائن پریٹورئیس 20 اور کیشو مہاراج 28 رنز بنا سکے، تسکین احمد نے 9 اوورز میں 35 رنز دے کر 5 پروٹیز کا شکار کیا۔
An epic evening at SuperSport Park!#BCB #Cricket #SAvBAN pic.twitter.com/aBCqFQLlIg
— Bangladesh Cricket (@BCBtigers) March 23, 2022
ہدف کے تعاقب میں بنگال ٹائیگرز کے اوپنرز کپتان تمیم اقبال اور لٹن داس کے درمیان 127 رنز کی عمدہ پارٹنر شپ نے میچ کا نتیجہ قبل از بتادیا، کپتان تمیم اقبال نے 87 رنز کی ناقابل شکست اننگز کھیلی، جبکہ لٹن داس 48 رنز بنا کر آؤٹ ہو ئے۔
واضح رہے کہ تین میچوں کی سیریز کا پہلا میچ بنگلا دیش نے 38 رنز سے اپنے نام کیا تھا، دوسرے میچ میں پروٹیز نے کم بیک کرتے ہوئے 7 وکٹوں سے فتح حاصل کی تھی۔