The news is by your side.

Advertisement

سوات میں عید کےچھٹے روز بھی سیاحوں کی آمد کا سلسلہ جاری

سوات : عید الفطر کے چھٹے روز بھی سوات میں سیاحوں کی آمد کا سلسلہ جاری ہے اور لاکھوں کی تعداد میں سیاحوں کی آمد سے سوات کی رونقوں کو چار چاند لگ گئے ہیں۔

عید کی چھٹیاں ہو اور اوپر سے ملک میں جھلسا دینے والی گرمی میں سوات کا خوشگوار موسم تو ایسے میں ملک بھر کے سیاحوں کو سوات آنے سے کون روک سکتا ہے اور پانچ دنوں میں ملک بھر سے ایک لاکھ گاڑیوں میں پانچ لاکھ سیاحوں نے سوات کارخ کرلیا ہے۔

انہوں نے سوات میں ڈیرے ڈال دئیے ہیں ،اور آنے والے سیاح پُر فضاء مقامات پر خوشگوار موسم اور عید کی خوشیوں سے لطف اندوز ہو رہے ہیں۔

سیاحوں کی آمد کے بعد ہوٹلوں میں جگہ کم پڑگئی ہے ،بڑی تعداد میں سیاحوں کی آمد کے وجہ سے ٹریفک کا نظام بری طرح مفلوج ہوگیاہے، جس کو کنٹرول کرنے کیلئے پاک فوج کے جوان میدان میں نکل آئے اور ٹریفک کو رواں دواں کیا۔

آنے والے سیاحوں نے جگہ جگہ پر ڈھول کے تاپ پر بھنگڑے ڈالے اور خوب موج مستی کی۔

Print Friendly, PDF & Email

Comments

comments

یہ بھی پڑھیں