کراچی: پاکستان تحریک انصاف کے رہنما خرم شیر زمان کا کہنا ہے کہ سندھ بلڈنگ کنٹرول اتھارٹی کراچی شہر کی تباہی کی ذمےدار ہے۔
تفصیلات کے مطابق تحریک انصاف کے رکن سندھ اسمبلی خرم شیر زمان نے ایس بی سی اے کو کراچی شہر کی تباہی کا ذمہ دار قرار دے دیا۔ انہوں نے کہا کہ کراچی شہر کی بہت ساری عمارتوں کو توڑنے کی تیاری جا رہی ہے۔
رکن سندھ اسمبلی نے کہا ہم گھر دینا چاہ رہے ہیں چھیننا نہیں چاہ رہے, ہر چھوٹے بڑے کو کرپشن پر جیل میں ڈالیں گے۔ ایس بی سی اے افسران سے متعلق خرم شیر زمان کا کہنا تھا کہ ان کی فائلیں خود ڈی جی نیب کے پاس لے کر جاؤں گا، اینٹی کرپشن سے بھی پوچھیں گے کہ کیا کر رہی ہے۔
سندھ حکومت کا عمارتوں کی انسپیکشن کا اختیار ایس بی سی اے سے واپس لینے پرغور
اس سے قبل 8 فروری کو سندھ حکومت نے عمارتوں کی انسپیکشن کا اختیار ایس بی سی اے سے واپس لینے کے لیے محکمہ بلدیات کو تجاویز تیار کرنے کا حکم دیا تھا۔
یاد رہے کہ گزشتہ ماہ اینٹی کرپشن ٹیم نے اسسٹنٹ ڈائریکٹر طارق بگٹی کی سربراہی میں سندھ بلڈںگ کنٹرول کے دفتر پر چھاپہ مار کر ریکارڈ تحویل میں لیا تھا۔
