اسلام آباد: وزیراعظم عمران خان کا کہنا ہے کہ کاروباری طبقے کے لیے اسٹیٹ بینک کی جانب سے مراعات کا اعلان کیا گیا ہے جس کا مقصد ٹارگٹڈ لاک ڈاؤن کے دوران عوام کا تحفظ کرنا ہے۔
تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ کاروباری طبقے کے لیے اسٹیٹ بینک نے مراعات کا اعلان کیا ہے۔
وزیراعظم نے کہا کہ اسٹیٹ بینک کی جانب سے اعلان کا مقصدٹارگٹڈ لاک ڈاؤن کے دوران عوام کا تحفظ کرنا ہے،احساس ایمرجنسی کیش پروگرام جاری ہے،کاروباری طبقے کو بھی مراعات دے رہے ہیں۔
With tax refunds & opening up the construction sector while keeping agri sector open. SBP’s initiatives for businesses during the COVID19 will help keep businesses afloat & prevent massive unemployment. pic.twitter.com/WW5dBzcHiz
— Imran Khan (@ImranKhanPTI) April 11, 2020
عمران خان کا کہنا تھا کہ اسٹیٹ بینک کا اقدام معیشت کو رواں رکھنےمیں مدد دےگا،اسٹیٹ بینک کا اقدام بڑے پیمانے پر بیروزگاری سے بچنےمیں بھی مددگار ہوگا۔انہوں نے مزید کہا کہ زرعی شعبے اور تعمیراتی سیکٹر کو کھول رہے ہیں۔
وزیراعظم کی عوامی مفاد کی قانون سازی کا عمل تیز کرنےکی ہدایت
اس سے قبل وزیراعظم عمران خان نے عوامی مفاد کی قانون سازی کا عمل تیز کرنے کی ہدایت کی تھی۔وزیراعظم کا کہنا تھا کہ عوامی مفاد کے زیر التوا قانون ساز بلوں کو حتمی مراحل تک پہنچایا جائے۔
