اسلام آباد: سپریم کورٹ آف پاکستان نے 9 اکتوبر سے 13 اکتوبر تک مقدمات کی سماعت کیلیے 6 بینچز تشکیل دے دیے۔
سپریم کورٹ کا 15 رکنی فل کورٹ 9 اکتوبر کو پریکٹس اینڈ پروسیجر کیس کی سماعت کرے گا جبکہ چیف جسٹس پاکستان قاجی فائز عیسیٰ کی سربراہی میں 3 رکنی بینچ 10 سے 13 اکتوبر تک 50 کیسز کی سماعت کرے گا۔
جسٹس سردار طارق مسعود کی سربراہی میں 2 رکنی بینچ آئندہ عدالتی ہفتے میں 120 مقدمات پر سماعت کرے گا جبکہ جسٹس اعجاز الاحسن کی سربراہی میں 3 رکنی بینچ 50 کیسز پر سماعت کرے گا۔
اسی طرح جسٹس منصور علی شاہ کی سربراہی میں 2 رکنی بینچ 50 کیسز کی سماعت کرے گا۔ جسٹس یحییٰ آفریدی کی سربراہی میں 3 رکنی بینچ 50 کیسز کی سماعت کرے گا۔
جسٹس جمال مندوخیل کی سربراہی میں دو رکنی بنچ آئندہ ہفتے 40 کیسز کی سماعت کرے گا۔
