اسلام آباد : سپریم کورٹ کی جانب سے سابق وزیراعظم ذوالفقارعلی بھٹو کے قتل سے متعلق ریفرنس آئندہ ہفتے سماعت کیلئے مقرر کیے جانے کا امکان ہے۔
تفصیلات کے مطابق سابق وزیراعظم ذوالفقارعلی بھٹو کے قتل سے متعلق صدارتی ریفرنس سماعت کیلئے مقرر کیے جانے کا امکان ہے۔
ذرائع نے بتایا ہے کہ سپریم کورٹ میں ذوالفقاربھٹو کی پھانسی کو عدالتی قتل قرار دینے کا ریفرنس آئندہ ہفتے سماعت کیلئے مقرر کیا جائے گا۔
ذرائع کا کہنا تھا کہ ذوالفقار علی بھٹو کے عدالتی قتل سےمتعلق صدارتی ریفرنس کی سماعت لارجر بینچ کرے گا، ریفرنس کی سماعت کیلئے چیف جسٹس کی سربراہی میں بینچ تشکیل دیا جائے گا۔
یاد رہے سابق صدرزرداری نے 2011 میں بھٹو کی پھانسی کے فیصلے پر صدارتی ریفرنس بھجوایا تھا۔
