اسلام آباد : سپریم کورٹ نے ہتک عزت کیس میں گلوکارہ میشا شفیع کے خلاف فوجداری کارروائی روکنے کا حکم دے دیا اور کہا سول مقدمہ جاری رہے گا۔
گلوکارہ میشا شفیع کی اپیل سماعت کیلئے منظور کرلی،عدالت نے میشا شفیع کے خلاف فوجداری کارروائی روکنے کا حکم دے دیا ،سول مقدمہ جاری رہے گا۔
تفصیلات کے مطابق پیکا آرڈیننس کی سیکشن 20 کے خلاف میشا شفیع کی درخواست پرسپریم کورٹ میں سماعت ہوئی، جسٹس قاضی فائز عیسی کی سربراہی میں دو رکنی بنچ نے سماعت کی۔
عدالت نے گلوکارہ میشا شفیع کی اپیل سماعت کیلئے منظور کرتے ہوئے فوجداری کارروائی روکنے کا حکم دیا ہے
سپریم کورٹ نے میشا شفیع کی درخواست پر فوجداری کیس میں حکم امتناع جاری کرتے ہوئے کہا کہ اگلی سماعت تک ہتک عزت پر میشا شفیع کے خلاف فوجداری کارروائی روک دی جائے تاہم سول مقدمہ جاری رہے گا۔
عدالت نے اٹارنی جنرل اور ایڈووکیٹ جنرل پنجاب کو نوٹس جاری کرتے ہوئے سماعت غیر معینہ مدت کیلئے ملتوی کر دی۔
