اسلام آباد : سپریم کورٹ نے واہ کینٹ خودکش حملہ کیس کے مجرم کی سزائے موت کالعدم قرار دیتے ہوئے رہائی کرنے کا حکم دے دیا۔
تفصیلات کے مطابق سپریم کورٹ میں واہ کینٹ خودکش حملہ کیس میں مجرم حمید اللہ کی سزائے موت کیخلاف اپیل پر سماعت ہوئی۔
وکیل مجرم نے بتایا کہ واہ کینٹ واقعےمیں حمید اللہ پر غلط الزام لگایا گیا، حمیداللہ کوفاٹاسےگرفتارکرنےکابتایاگیاجبکہ ایف آئی آر20منٹ بعددرج ہوئی، کیسےممکن ہےواہ کینٹ واقعہ ہو اور ملزم کو 20 منٹ میں فاٹا سے گرفتار کر لیا جائے۔
عدالت نے مجرم حمید اللہ کی سزائے موت کیخلاف اپیل منظور کرتے ہوئے لاہور ہائیکورٹ راولپنڈی بینچ کا فیصلہ کالعدم قرار دے دیا۔
اعلیٰ عدلیہ نے ناقص تفتیش پر مجرم حمید اللہ کی رہائی کا فیصلہ سناتے ہوئے کہا کہ کیس کا تفصیلی فیصلہ بعد میں جاری کیا جائے گا۔
یاد رہے لاہور ہائیکورٹ راولپنڈی بینچ نے کیس کے مجرم حمید اللہ کی سزائے موت کا فیصلہ دیا تھا جبکہ 2008 میں واہ کینٹ حملےمیں ملوث مجرم حمید اللہ کو گرفتار کیا گیا تھا۔
