اسلام آباد: چیف جسٹس آف پاکستان نے ضلع گھوٹکی میں غیر قانونی جرگے کا نوٹس لیتے ہوئے ایس ایس پی گھوٹکی سے رپورٹ طلب کرلی۔
تفصیلات کے مطابق ضلع گھوٹکی میں چند بااثر افراد نے جرگہ منعقد کیا اور ایک مرتبہ پھر ریاست کی رٹ کو چیلنج کردیا۔
ذرائع کے مطابق مزاری قبیلے نے غریب مزدور علی حسن کے خلاف جرگے میں 3 لاکھ روپے جرمانہ اور 3 سالہ معصوم بچی کی شادی کرنے کا ظالمانہ حکم صادر کیا۔
چیف جسٹس نے گھوٹکی جرگہ کا نوٹس لے کر ایس ایس پی گھوٹکی سے رپورٹ طلب کر لی۔ یہ نوٹس متاثرہ علی حسن مزاری کی درخواست پر لیا گیا ہے۔
