اسلام آباد : فون ٹپینگ کا 28 سال پرانا کیس سپریم کورٹ میں آج سنا جائے گا، فون ٹیپنگ کیلئے ڈیوائسز کی تنصیب کیخلاف 1996 سے مقدمہ زیر التوا تھا۔
تفصیلات کے مطابق سپریم کورٹ میں آج اہم مقدمات کی سماعت ہوگی، جس میں فون ٹپینگ کا28سال پرانا کیس آج سناجائے گا۔
جسٹس امین الدین کی سربراہی میں سات رکنی آئینی بنچ درخواست کی سماعت کرے گا، فون ٹیپنگ کیلئے ڈیوائسز کی تنصیب کیخلاف 1996 سے مقدمہ زیر التوا تھا۔
دوسری جانب 8 فروری کے عام انتخابات میں دھاندلی کیخلاف بانی پی ٹی آئی کی درخواست پر بھی سماعت آج ہوگی .انتحابات میں دھاندلی کیخلاف کیس میں الیکشن کمیشن کیخلاف کاروائی کی بھی استدعا کی گئی ہے۔
جسٹس امین الدین کی سربراہی میں7رکنی آئینی بینچ کیس کی سماعت کرے گا۔
گذشتہ روز بھی سپریم کورٹ میں اہم مقدمات کی سماعت ہوئی تھی، 9 مئی کے واقعات پر جوڈیشل کمیشن کیلئے بانی پی ٹی آئی کی درخواست سماعت کیلئے مقرر کرنے کا حکم دیا تھا۔
اس کے علاوہ فوجی عدالتوں میں سویلینزکے ٹرائل کے کیس میں سپریم کورٹ نے زیرحراست افراد کو عام جیلوں میں منتقل کرنے کی لطیف کھوسہ کی استدعا مستردکردی۔
