اسلام آباد : سپریم کورٹ میں ملٹری کورٹس میں سویلینز کے ٹرائل کے فیصلے کیخلاف انٹرا کورٹ اپیلوں پر سماعت تیرہ دسمبر کو ہو گی۔
تفصیلات کے مطابق سپریم کورٹ نے ملٹری کورٹس میں سویلینز کے ٹرائل سے متعلق انٹرا کورٹ اپیلیں سماعت کے لیے مقرر کردیں۔
سپریم کورٹ میں 13 دسمبر کو کیس کی سماعت ہوگی ، جس کے لئے جسٹس سردارطارق کی سربراہی میں لارجر بینچ تشکیل دے دیا گیا ہے۔
سپریم کورٹ نے ملٹری کورٹس میں سویلینزکےٹرائل کوغیرآئینی قراردیاتھا، جس کے بعد انٹراکورٹ اپیلیں وفاقی حکومت،وزارت دفاع اور ،صوبائی حکومتوں کی جانب سےدائرکی گئی ہیں۔
یاد رہے جسٹس اعجاز الاحسن کی سربراہی میں 5 رکنی بینچ نے فیصلہ چار ایک کی بنیاد پر سنایا، فیصلے میں سپریم کورٹ نے ملڑی ایکٹ کا سیکشن ٹو ون ڈی کو ائین کے بر خلاف قرار دیتے ہوئے کہا کہ ملزمان کے جرم کی نوعیت کےاعتبارسےمقدمات عام عدالتوں میں چلائیں جائیں گے۔
