واشنگٹن : امریکی صدر کے عہدے کو دنیا کا طاقتور ترین سمجھا جاتا ہے مگر ان کی نقل و حرکت پر کسی کے لیے بھی نظر رکھنا بہت آسان ہے۔
واشنگٹن : امریکی صدر کو دنیا کا طاقتور ترین شخص سمجھا جاتا ہے لیکن اسمارٹ فون لوکیشن ڈیٹا کی مدد سے ان کی نقل و حرکت پر بھی مظر رکھی جاسکتی ہے۔
تفصیلات کے مطابق سخت سیکیورٹی حصّار میں رہنے والی دنیا کی طاقتور ترین شخصیت امریکی صدر کو ٹریک کرنے کا حیران کن دعویٰ ایک امریکی اخبار نے کیا ہے، جس میں بتایا گیا ہے کہ اسمارٹ فون کے لوکیشن ڈیٹا کی مدد سے کسی کو ٹریک کرنا کتنا آسان ہے۔
امریکی اخبار کی رپورٹ کے مطابق امریکی صدر کی نقل و حمل کو ٹریک کرنے کا لوکیشن ڈیٹا بہت آسانی سے حاصل کیا جاسکتا ہے۔
مقامی خبر رساں ادارے کا اپنی رپورٹ میں کہنا تھا کہ امریکی صدر کے فون کو ٹریک نہیں کیا گیا بلکہ ان کے ساتھ موجود خفیہ سروس ایجنٹ کے فون کو ٹریک کرکے ڈونلڈ ٹرمپ کی نقل و حمل کا پیچھا کیا گیا۔
رپورٹ کے مطابق صدر کے قافلے سے چند فٹ پیچھے نقل و حمل پر باریک بینی سے نظر رکھی گئی جو ہمارے خیال میں سیکرٹ سروس کے ایک ایجنٹ کے فون سے ریکارڈ کی گئی، جس کا گھر بھی ڈیٹا میں واضح طور پر شناخت کیا جاسکتا ہے۔
اس گھر کو عوامی تفصیلات سے جوڑ نے پر اس کے نام کا انکشاف ہوا جبکہ اس کے شریک حیات اور دونوں کے خاندانوں کی مزید تفصیلات بھی ظاہر ہوگئی۔
امریکی اخبار کے مطابق جب دنیا کی طاقتور ترین سمجھی جانے والے امریکی صدر پر نظر رکھنا ممکن ہے تو عام لوگ تو جاسوسوں کی نگاہوں سے بلکل محفوظ نہیں۔
