ہزارہ ایکسپریس ٹرین حادثہ پیش آنے کے باعث لاہور اور فیصل آباد سے آنے والی ٹرینوں کا شیڈول تبدیل کردیا گیا ہے۔
اے آر وائی نیوز کے مطابق ہزارہ ایکسپریس ٹرین کے سانحے کے بعد لاہور اور فیصل آباد سے آنے والی ٹرینوں کا شیڈول تبدیل کردیا گیا ہے، اب قراقرم ایکسپریس لاہور سے کراچی کے لیے سہ پہر 3 کے بجائے اگلے دن صبح 5 بجے روانہ ہوگی۔
بزنس ایکسپریس اور کراچی ایکسپریس ٹرین کو آج کے لیے کینسل کردیا گیا ہے، فیصل آباد سے ملت ایکسپریس اور پاکستان ایکسپریس کو ایک ٹرین کی صورت میں چلایا جارہا ہے۔
ترجمان ریلوے کا کہنا ہے کہ جو مسافر سفر نہیں کرنا چاہتے ان کے لیے فل ریفنڈ کی سہولت موجود ہے، باقی تمام ٹرینیں اپنے مقررہ اوقات کار کے مطابق رواں دواں ہیں۔
