محکمہ ہائرایجوکیشن پنجاب نے میٹرک اور انٹرمیڈیٹ کے سالانہ امتحانات کا شیڈول فائنل کر لیا جس کا اعلان جلد کیا جائے گا۔
تفصیلات کے مطابق میٹرک اور انٹرمیڈیٹ کے سالانہ امتحانات کا شیڈول تیار کر لیا گیا ہے، 26جون سے بارہویں جماعت کے امتحانات کا آغاز ہو گا۔
پنجاب کےتعلیمی بورڈز 26 جون سے بارہویں کے امتحانات منعقد کریں گے جب کہ انٹرمیڈیٹ کے15روز بعد میڑک کے امتحانات منعقد کیےجائیں گے۔
دو روز میں امتحانات کی ڈیٹ شیٹ جاری ہونےکا امکان ہے۔ نویں اور گیارہویں جماعت کے امتحانات ستمبر میں منعقدکیےجائیں گے۔
یاد رہے اس سے قبل پنجاب حکومت نے میٹرک اور انٹرمیڈیٹ امتحانات کے دوران امتحانی عملے کے لیے کورونا ویکسین لگوانا ضروری قرار دیا تھا اور کہا صرف ویکسین کروانے والے اساتذہ اور عملے کو ہی امتحانی ڈیوٹیوں میں تعینات کیا جائے گا۔
اس حوالےسے تمام بورڈز کو احکامات جاری کیے گئے تھے، جس میں کہا گیا تھا کہ وہ فوری طور پر امتحانی ڈیوٹی دینے والے عملے کوکورونا ویکسنیشن کروائیں تاکہ امتحانات میں ڈیوٹیاں سرانجام دے سکیں۔
احکامات کے مطابق سپرنٹنڈنٹ، ڈپٹی سپرنٹنڈنٹ سپروائزری سٹاف ،نگران عملہ اور دیگر سٹاف کی فوری ویکسی نیشن کروائی جائے گی ۔
