اسلام آباد : ارشد شریف شہید کی فیملی نے اعلیٰ تعلیمی اسکالر شپ کا آغاز کردیا، ارشد شریف اسکالرشپ کے تحت 2 مستحق طلبہ کونسٹ میں داخلہ ملے گا۔
تفصیلات کے مطابق ارشدشریف شہید کی فیملی کی جانب سے اعلیٰ تعلیمی اسکالرشپ کا آغاز کردیا گیا ، اس سلسلے میں ارشدشریف شہیدکی فیملی اور نسٹ کے درمیان اسکالرشپ معاہدے پر دستخط ہوئے۔
ارشدشریف شہید کی اہلیہ سمعیہ ارشدنےمعاہدے پر دستخط کیے، اس موقع پر بیٹابھی موجود تھا ، ارشد شریف اسکالرشپ کے تحت 2 مستحق طلبہ کونسٹ میں داخلہ ملے گا۔
ہرسال2 طلبہ کو داخلہ نسٹ کے ماس کمیونی کیشن ڈیپارٹمنٹ میں دیا جائے اور ارشد شریف شہید اسکالر شپ سے سالانہ2 طلبہ کے تعلیمی اخراجات ادا کیے جائیں گے۔
اسکالرشپ کامقصدتحقیقاتی صحافت اورارشدشریف کی میراث برقراررکھنا ہے ، اوورسیز پاکستانیوں نے شہیدارشد کے قتل کی تحقیقات کے لیے عطیات دیئے تھے ، شہیدکی فیملی نے اوورسیزپاکستانیوں کے عطیات کو اسکالرشپ پروگرام کیلئے وقف کردیئے۔
