اسلام آباد: وفاقی وزیر احسن اقبال کی زیر صدارت صوبہ بلوچستان میں اعلیٰ تعلیمی منصوبوں کے جائزہ اجلاس میں وفاقی وزیر نے کہا کہ بلوچستان میں جامعات کے لیے 5 ہزار اسکالر شپس کی اسکیم تیار کی جائے۔
تفصیلات کے مطابق وفاقی وزیر برائے منصوبہ بندی احسن اقبال کی زیر صدارت صوبہ بلوچستان میں اعلیٰ تعلیمی منصوبوں کا جائزہ اجلاس ہوا، اجلاس میں ہائر ایجوکیشن کمیشن کے عہدیداران نے شرکت کی۔
وفاقی وزیر احسن اقبال نے ہدایت کی کہ بلوچستان میں جامعات کے لیے 5 ہزار اسکالر شپس کی اسکیم تیار کی جائے، بلوچستان کے نوجوانوں کو تعلیم اور روزگار کے مواقع فراہم کیے جائیں گے۔
احسن اقبال کا کہنا تھا کہ بلوچستان میں وفاقی حکومت کے تحت زیر تعمیر جامعات کو جلد مکمل کیا جائے۔
وفاقی وزیر نے کہا کہ بلوچستان کے نوجوان قیمتی اثاثہ ہیں، انہیں قومی دھارے میں شامل کرنا ترجیح ہے۔
