تازہ ترین

نئے قرض کیلئے مذاکرات، آئی ایم ایف نے پاکستان کے لیے خطرے کی گھنٹی بجادی

واشنگٹن : آئی ایم ایف کی منیجنگ ڈائریکٹر کرسٹیلینا...

سعودی وزیر خارجہ کی سربراہی میں اعلیٰ سطح کا وفد آج پاکستان پہنچے گا

اسلام آباد : سعودی وزیرخارجہ شہزادہ فیصل بن فرحان...

جہاز پر موجود پاکستانیوں کی موجودگی، حکومت کا ایران سے رابطہ

ایرانی افواج کی جانب سے قبضے میں لیے گئے...

’کچھ سیاستدان دوبارہ سازش تیار کر رہے ہیں‘

چیئرمین پیپلزپارٹی بلاول بھٹو زرداری نے کہا کہ سازشی...

عرب امارات: اسکولوں میں داخلے کے لیے ہدایات جاری

ابو ظہبی: متحدہ عرب امارات کے اسکولوں میں نئے تعلیمی سال کے داخلے کے لیے شرائط و ہدایات وضع کردیے گئے۔

اردو نیوز کے مطابق متحدہ عرب امارات کے شمالی علاقوں میں پرائیویٹ اسکولز نے آئندہ تعلیمی سال کے دوران بکنگ کے لیے 3 شرائط مقرر کی ہیں۔

پرائیوٹ اسکولز کی انتظامیہ کا کہنا ہے کہ نئے تعلیمی سال کے لیے طلبہ کی رجسٹریشن پہلے آؤ پہلے پاؤ کی بنیاد پر ہوگی، داخلے کی کارروائی میں ان طلبہ کا اندراج ترجیحی بنیادوں پر کیا جائے گا جو اسکول چھوڑ کر چلے گئے ہوں اور دوبارہ داخلہ لینا چاہتے ہوں۔

دیگر اسکولوں سے آنے والے ممتاز طلبہ کو بھی ترجیحی بنیاد پر داخلے دیے جائیں گے، اس سلسلے میں یہ بات مدنظر رکھی جائے گی کہ امیدوار طالب علم نے کورس کے تمام مضامین میں امتیازی نمبر حاصل کیے ہوں۔

اسکولوں کے منتظمین نے کہا ہے کہ رجسٹریشن کے لیے 3 شرائط منفرد تعلیمی معیار برقرار رکھنے کے لیے رکھی گئی ہیں۔

داخلے کی کارروائی کرنے والے ادارے کے ذمہ داران نے نام ظاہر نہ کرنے کی شرط پر کہا ہے کہ نجی اسکولوں کا حق ہے کہ وہ اپنے یہاں داخلے کے لیے من پسند زمروں کا انتخاب کریں۔

زمروں کا انتخاب منفرد تعلیمی معیار برقرار رکھنے اور طلبہ کے کردار کو بہتر بنائے رکھنے کی خاطر کیا گیا ہے۔

ہمارا ماننا ہے کہ دیگر اسکولوں کے بعض طلبہ کو داخلہ دینے سے اسکول میں پہلے سے موجود طلبہ کے کردار پر اچھا اثر پڑتا ہے، جبکہ بعض طلبہ کو داخلہ دینے سے کلاس روم کا ڈسپلن خراب ہوتا ہے، اساتذہ اور انتظامی عملہ الجھنوں میں گرفتار ہوتا ہے۔

منتظمین نے کہا کہ اسکول کی مختلف کلاسوں میں زیر تعلیم طلبہ کے بھائیوں کے داخلے ترجیحی بنیاد پر ہوں گے۔

Comments

- Advertisement -