لاہور : اسکول کے بچوں کو سردی سے بچانے کا منصوبہ سامنے آگیا، جس پر 13 جنوری سے عملدرآمد شروع ہوگا۔
تفصیلات کے مطابق پنجاب حکومت نے اسکول کے بچوں کو سردی سے بچانے کیلئے منصوبہ تیار کرلیا۔
ذرائع نے بتایا کہ پنجاب حکومت 21 ہزار اسکول طلبہ میں گرم ملبوسات تقسیم کرے گی، 13 جنوری سے لاہور سمیت 4 اضلاع میں طلبہ میں گرم ملبوسات تقسیم کیےجائیں گی۔
ذرائع کا کہنا تھا کہ اسکول کے بچوں میں جوتے، سویٹر، کوٹ اور یونیفارم پر تقسیم کیے جائیں گے۔
ذرائع نے بتایا کہ نارووال،راجن پوراورلیہ میں بھی طلبہ کو سردی سے بچانے کیلئے ملبوسات دیے جائیں گے، منصوبہ وزیراعلیٰ کی ہدایت پر محکمہ بیت المال اور سوشل ویلفیئر کی معاونت سے شروع ہوگا۔
مزید پڑھیں : پنجاب حکومت نے پرائیوٹ اسکول والوں کے لئے بڑا حکم جاری کردیا
ذرائع نے کہا کہ گرم ملبوسات کی تقسیم کیلیے سرکاری اسکولوں کے انتخابات کا عمل مکمل کرلیا گیا ہے۔
یاد رہے اس سے قبل پنجاب حکومت نے پرائیوٹ اسکولز کو ہدایت جاری کی ہے کہ اسکول والوں کو بچوں کو گھر سے لانے اور واپس چھوڑنے کیلئے ٹرانسپورٹ خریدنا ہوگی۔
سیکرٹری اسکول ایجوکیشن خالد نذیر وٹو کا کہنا تھا کہ تمام بڑی اسکول چینز تیرہ جنوری تک لازمی بسیں خریدیں، بسیں نہ خریدنے والے اسکولوں کیخلاف کارروائی ہوگی۔
