The news is by your side.

Advertisement

کورونا وائرس کے باعث اسکول بند!

ریاض: سعودی عرب میں کورونا بحران کے باعث متعدد نجی اسکول بند کردیے گئے ہیں۔

عرب میڈیا کی رپورٹ کے مطابق مملکت میں کووڈ19 سے پیدا ہونے والی صورت حال کے باعث کئی نجی نرسریاں اور اسکول بند ہوئے کیوں کہ تعلیمی سرگرمیاں معطل ہوکر رہ گئی تھیں۔

نجی تعلیم کمیٹی کے نائب سربراہ ڈاکٹر فہد حمد بن یمین کا کہنا ہے کہ کورونا بحران کی وجہ سے اب تک 1800 نرسریاں اور 600 نجی اسکول ختم کردیے گئے ہیں۔

انہوں نے بتایا کہ دوبارہ سے تعلیمی سرگرمیاں معمول پر آنے سے اسکول کا شعبہ پھر ترقی کرے گا، نجی اسکول اور نرسریاں کورونا کے باعث گزشتہ دو سال سے بہت متاثر ہیں، اب وقت آگیا ہے ان کی مدد کی جائے۔

تعلیم کمیٹی کے نائب سربراہ نے کہا کہ غیر ملکی طلبا کی فیسوں میں رعایت کے علاوہ ویلیو ایڈڈ ٹیکس میں بھی تخفیف کرنی چاہیے تاکہ یہ شعبہ پھر سے پھلے پھولے۔

ان کا مزید کہنا تھا کہ کووڈ19 کی وجہ سے طلبا کی تعداد میں بھی کمی واقع ہوئی ہے، ہمیں نجی اسکولوں کے فروغ کے لیے الگ سے نگراں اداروں کے قیام کی ضرورت ہے۔

Comments

یہ بھی پڑھیں