کراچی : سندھ حکومت نے تعلیمی اداروں میں تعطیل کا اعلان کردیا، 21 رمضان المبارک کو تعلیمی ادارے بند رہیں گے۔
تفصیلات کے مطابق سندھ حکومت نے یوم حضرت علی رضی اللہ عنہ کی مناسبت سے تعلیمی اداروں میں تعطیل کا اعلان کردیا۔
جاری کردہ نوٹیفکیشن کے مطابق 21 رمضان کو سندھ کے تمام سرکاری اور نجی اسکول اور کالج بند رہیں گے۔
نوٹیفکیشن میں 28 نومبر 2024 کو منعقدہ اسٹیئرنگ کمیٹی برائے تعلیم کی ذیلی کمیٹی کے اجلاس کے دوران کیے گئے فیصلے کا حوالہ دیا۔
خیال رہے یوم علی رضی اللہ عنہ کے موقع پر ملک بھر میں جلوس نکالے جاتے ہیں کراچی میں مرکزی جلوس نشتر پارک سے نکل کر شام کو کھارادر میں واقع امام بارگاہ حسینیہ پہنچتا ہے۔
اس موقع پر مرکزی جلوس کی سیکیورٹی کے لئے سخت انتظامات کئے جاتے ہیں۔
