اسلام آباد : اسکولوں کی تعطیلات میں توسیع کی نئی تاریخ سامنے آگئی، اب تمام تعلیمی ادارے کب کھولیں گے؟
تفصیلات کے مطابق وفاقی وزارت تعلیم نے گرمی کی شدت اور حبس کی لہر کے پیش نظر وفاقی سرکاری تعلیمی اداروں میں بھی چھٹیوں کی توسیع کا اعلان کردیا۔
جس کے تحت اب تمام سرکاری تعلیمی ادارے 15 کے بجائے پانچ اگست کو کھلیں گے۔
وفاقی وزارت تعلیم نے سرکاری اسکولوں میں تعطیلات میں توسیع کا نوٹیفکیشن جاری کردیا۔
یاد رہے وزیر تعلیم سندھ نے گرمی اور برسات کے امکان پر اسکولوں میں چھٹیوں میں اضافے کا فیصلہ کیا تھا۔
انہوں نے کہا تھا کہ تعلیمی اداروں میں 14 اگست سے ہم نصابی سرگرمیوں کو جاری رکھا جائے گا، تمام نجی و سرکاری اسکولز جشن آزادی سے متعلق پروگرامز منعقد کریں گے تاہم سندھ میں نیا تعلیمی سال 15 اگست سے شروع ہوگا۔
واضح رہے کہ سندھ میں جون جولائی کی چھٹیوں کے بعد اسکولز یکم اگست سے کھولے جانے تھے۔
