یوٹیوب سے 2 ارب 69 کروڑ کمانے والا سات سالہ بچہ -
The news is by your side.

Advertisement

یوٹیوب سے 2 ارب 69 کروڑ کمانے والا سات سالہ بچہ

رایان کا نام دنیا کی امیر ترین شخصیات میں شامل ہوگیا

لاس ایجنلس: امریکا کے مشہور کاروباری جریدے فوربز کے مطابق سات سالہ بچے نے یوٹیوب چینل کی مدد سے 17 کروڑ یورو بنانے کا ریکارڈ اپنے نام کرلیا۔

فوربز کے مطابق 7 سالہ رایان اسکول کا طالب علم ہے اور اُس نے تین سال قبل یوٹیوب پر چینل بنایا تھا جس پر وہ صرف بچوں کے کھلونوں سے متعلق ویڈیوز ڈالتا ہے۔رایان کا نام دنیا کی سب سے زیادہ کمانے والی فہرست میں شامل ہوگیا۔

امریکی جریدے کے مطابق سات سالہ بچے کے یوٹیوب پر 17 کروڑ کے قریب فالوورز ہیں اور اُس نے ایک سال کے دوران ویڈیوز شیئر کر کے 17 کروڑ یورو کمائے جو پاکستانی کرنسی کے حساب سے 2 ارب 69 کروڑ روپے سے زائد بنتے ہیں۔

مزید پڑھیں: برطانوی خاتون ملکہ الزبتھ سے دس گنا زیادہ امیر

رایان مارکیٹ میں فروخت کے لیے پیش ہونے والے کھلونوں کے ریوویوز کی ویڈیوز شیئر کرتا ہے، مختلف کمپنیاں سات سالہ بچے سے اپنی پروڈکٹ کی تشہیر کرواتی ہیں۔اسکول کے طالب علم نے مارچ 2015 میں اپنی پہلی ویڈیو شیئر کی جس میں انہوں نے اپنی بہن اور والدہ کی طرف سے ملنے والے کھلونے کے فوائد بتائے تھے۔

امریکی میڈیا سے گفتگو کرتے ہوئے رایان کا کہنا تھا کہ ’میں نہ صرف خود مزاحیہ ہوں بلکہ لوگوں کو ویڈیوز کے ذریعے تفریح فراہم کرنے کا موقع بھی دیتا ہوں‘۔

رایان کی والدہ کا کہنا ہے کہ ’میں ایک اسکول میں کیمسٹری کی ٹیچر تھی مگر جب بیٹے کی انٹرنیٹ پر شہرت دیکھی اور آمدنی حاصل ہونا شروع ہوئی تو ملازمت چھوڑ دی‘۔

یہ بھی پڑھیں: سلمان خان اور دپیکا سب سے زیادہ کمانے والے بھارتی اداکار

اُن کا کہنا تھا کہ ’ایک دن بیٹے نے مجھ سے پوچھا میں یوٹیوب پر کیسے مشہور ہوسکتا ہوں؟ کیونکہ بچے تو ویڈیوز بنا ہی نہیں سکتے‘۔ والدہ کا کہنا تھا کہ ہم نے کبھی نہیں سوچا تھا رایان اتنا مشہور ہوجائے گا اور اُس کا شمار دنیا کی امیر ترین شخصیات میں ہوگا۔

فوربز میگزین کی رپورٹ کے مطابق رایان کی طرف سے شیئر کی جانے والی ویڈیوز تقریباً اُسی کے ہم عمر بچے دیکھتے ہیں جن کے ذریعے اُس نے 15 فیصد سے زائد رقم کمائی۔

Comments

comments

یہ بھی پڑھیں