لاہور : پنجاب میں لاہور اور ملتان میں بھی تعلیمی ادارے کھل گئے تاہم طلبا اوراساتذہ کے لئے ماسک پہننا لازمی قرار دیا گیا ہے۔
تفصیلات کے مطابق پنجاب کے صوبائی دارلحکومت لاہور اور ملتان میں بھی آج تعلیمی ادارے کھل گئے، اسموگ میں کمی کے بعد اسکول صبح 9 بجے کھلے۔
محکمہ ماحولیات نےاسموگ میں کمی کے بعد آج سے اسکول کھولنے کا نوٹیفکیشن جاری کیا تھا، جس میں طلبا اوراساتذہ کے لئے ماسک پہننا لازمی قرار دیا گیا۔
نوٹی فکیشن میں کہنا تھا کہ بیرونی کھیلوں اورہم نصابی سرگرمیوں پر مکمل پابندی عائد کردی گئی اور ٹریفک کے دباؤ سے بچنے کے لیے کلاس وائز اسکول کی چھٹی کا وقت متعین کرنے کی ہدایت کی گئی۔
مزید پڑھیں : تعلیمی اداروں سے متعلق اہم خبر آگئی
گزشتہ روز حکومت پنجاب نے فضائی آلودگی کم ہونے پر لاہور اور ملتان کے علاوہ صوبے بھر میں اسکولز کھل گئے تھے۔
خیال رہے مشرقی ہواؤں کے رخ میں تبدیلی کے ساتھ ہی پنجاب کے مختلف شہروں میں اسموگ میں کمی آگئی، لاہورس فہرست میں دوسرا نمبر ہے جس کا ائیر کوالٹی انڈیکس 291 ریکارڈ کیا گیا.
یاد رہے پنجاب میں اسموگ کی خطرناک صورتحال کے پیش نظر 18 اضلاع میں 17 نومبر تک سرکاری اور نجی تعلیمی ادارے بند رکھنے کا اعلان کیا تھا ، جس کے بعد توسیع کرتے ہوئے 24 نومبر تک بند کرنے کا فیصلہ کیا گیا تھا۔
