سعودی وزارت تعلیم نے موجودہ تعلیمی سال کے دوسرے سمسٹر کی کلاسوں کے اختتام پر 9 دن کی چھٹیوں کا اعلان کر دیا ہے۔
عکاظ کے مطابق سعودی وزارت تعلیم نے رواں تعلیمی سال 2025 کے دوسرے سمسٹر کی کلاسز کے اختتام پر یوم تاسیس اور موسم سرما کی 9 چھٹیوں کا اعلان کر دیا ہے۔
رپورٹ کے مطابق مملکت میں تمام اسکول جمعہ 9 فروری سے یکم مارچ تک بند رہیں گے۔ درس وتدریس کا سلسلہ 2 مارچ سے دوبارہ شروع ہوگا۔
اس سے قبل وزارت نے رمضان المبارک میں اسکول ٹائمنگ کا بھی اعلان کیا تھا جس کے مطابق صبح کی شفٹ کا آغاز 9 بجے ہوگا جبکہ دوپہر کی شفٹ ایک بجے اور تیسری شفٹ رات ساڑھے نو بجے سے شروع ہوگی۔
وزارت تعلیم نے چھٹیوں کے اعلان کے ساتھ ہی ای ایجوکیشن سسٹم ’نور‘ میں تمام مضامین کا ریکارڈ اس کی اصلاح، نگرانی اور جائزہ مکمل کرنے اور طلبہ کے نتائج کا اعلان کرنے کی ضرورت پر زور دیا ہے۔
وزارت نے وضاحت کی کہ سیکنڈری سکول کے امتحانات کے دوسرے دور کے لیے شیڈول تیار کرنا، اسے نور سسٹم میں شامل کرنا ، پرائمری اور انٹرمیڈیٹ مرحلے میں غیر حاضر طلبہ کے لیے متبادل امتحانات کا شیڈول تیار کرنا ضروری ہے۔
