لاہور/ اسلام آباد : پنجاب اور اسلام آباد میں کورونا کی بگڑتی صورتحال کے پیش نظر تمام تعلیمی ادارے 6 سے 11 ستمبر تک بند کرنے کا اعلان کردیا گیا۔
تفصیلات کے مطابق وزیر تعلیم پنجاب مراد راس نے سماجی رابطے کی ویب سائٹ ٹوئٹر پر صوبے میں اسکولوں کی بندش کے حوالے اہم پیغام میں کہا کہ پنجاب میں تمام اسکولز 6 سے 11 ستمبر تک بند کررہےہیں، اسکولزکی بندش کافیصلہ کوروناکی بگڑتی صورتحال کےپیش نظرکیاگیا، ایس او پیز پر عملدرآمد کو ہر ممکن یقینی بنائیں۔
ANNOUNCEMENT:
All Public & Private Schools of Punjab to be closed from September 6th to September 11th, 2021 due COVID 19 conditions. Please stay home and stay safe. Protect yourself and your families.— Murad Raas (@DrMuradPTI) September 3, 2021
دوسری جانب وفاقی دارلحکومت اسلام آباد کے تعلیمی ادارے بھی 6سے11 ستمبر تک بند کرنے کافیصلہ کیا گیا ہے ، ذرائع وزارت تعلیم کا کہنا ہے کہ کورونا کی صورتحال کے پیش نظر تعلیمی ادارے بند رہیں گے، تمام سرکاری و نجی تعلیمی ادارےبندرہیں گے تاہم اسلام آباد کے تعلیمی اداروں سےمتعلق حتمی اعلان کچھ دیرمیں متوقع ہے۔
