اسلام آباد : وفاقی دارلحکومت اور راولپنڈی میں 4 روز بعد تمام تعلیمی ادارے کھل گئے اور تعلیمی سرگرمیاں بحال ہوگئیں۔

تفصیلات کے مطابق پاکستان تحریک انصاف (پی ٹی آئی) احتجاج کے بعد معمولات زندگی مکمل طور پر بحال ہوگئے۔

اسلام آباد اور اس کے جڑواں شہرراولپنڈی میں میں تمام تعلیمی ادارے کھل گئے ، جس کے بعد وفاقی اسکول و کالجز میں تعلیمی سرگرمیاں بحال ہوگئیں۔

مزید پڑھیں : جڑواں شہروں اور لاہور میں معمولات زندگی اور انٹرنیٹ سروس بحال

حکام کا کہنا ہے کہ تین دن اداروں کی بندش سےہونیوالاتعلیمی نقصان پوراکریں گے، اسکولز احتجاج اورراستوں کی بندش کے باعث بند کئے گئے تھے۔

گذشتہ روز شہر بھر کی تمام شاہراہوں پر موجود رکاوٹیں ہٹا دی گئی تھی اور شہر بھر میں تجارتی سرگرمیاں مکمل طور پر بحال ہیں۔

شہر بھر میں صفائی ستھرائی کا عمل بھی مکمل کر لیا گیا ہے اور شہری بغیر کسی رکاوٹ میں شہر میں آمدورفت جاری رکھ سکتے ہیں۔

Comments