کلکتہ : اسکولوں میں گرمیوں کی تعطیلات جلدی کرنے کا فیصلہ کرلیا گیا، چھٹیاں کب سے ہوگی ؟ تاریخ بھی سامنے آگئی۔
تفصیلات کے مطابق اسکول کے طلباء کو مئی میں شدید گرمی کی لہر کی پیشین گوئیوں کے پیش نظر اس سال موسم گرما کی تعطیلات جلدی دینے کا فیصلہ کرلیا گیا۔
ہندوستان کی ریاست مغربی بنگال کے تعلیمی محکمے نے بڑھتی ہوئی گرمی اور نمی کے پیش نظر گرمیوں کی تعطیلات جلدی کرنے کا اعلان کیا۔
اس فیصلے کا اطلاق پرائمری، سیکنڈری اور ہائر سیکنڈری اسکولوں پر ہوگا، تعطیلات کے بارے میں سرکاری نوٹس بعد میں جاری کیا جائے گا۔
وزیر اعلیٰ ممتا بنرجی نے صحافیوں کو بریفنگ دیتے ہوئے کہا عام طور پر مئی کے دوسرے ہفتے سے گرمیوں کی تعطیلات کا اعلان کیا جاتا ہے، لیکن اس بار محکمے کی جانب سے یہ فیصلہ کیا گیا ہے کہ 30 اپریل 2025 سے گرمیوں کی چھٹیاں شروع کریں گے۔
ابتدائی تعلیمی کیلنڈر نے 9 مئی کو موسم گرما کی چھٹیوں کے آغاز کی تاریخ مقرر کیا تھا۔ تاہم، ریاست کے متعدد علاقوں کو متاثر کرنے والی گرمی کی لہر کے پیش نظر طالب علموں کو انتہائی درجہ حرارت سے بچانے کے لیے یہ ایک احتیاطی اقدام کے طور پر دیکھا جارہا ہے۔
درجہ حرارت میں اضافہ شہر کا درجہ حرارت مسلسل بڑھ رہا ہے، جمعرات کو زیادہ سے زیادہ درجہ حرارت 34.4 ڈگری سیلسیئس ریکارڈ کیا گیا۔
موسمی پیش گوئی کے مطابق آئندہ دنوں میں درجہ حرارت میں مزید اضافہ متوقع ہے تاہم مستقبل میں بارش کی کوئی پیش گوئی نہیں کی گئی۔
