The news is by your side.

Advertisement

اے سی جیسی ٹھنڈک پہنچانے والا مٹیریل تیار

میامی: امریکی سائنسدانوں نے ایک ایسی باریک تہہ تیار کی ہے جو گرمیوں میں کسی بھی قسم کی توانائی استعمال کیے بغیر کسی ایئر کنڈیشنر جیسی ٹھنڈک فراہم کرسکتی ہے۔

گلاس اور پولیمر سے تیار کی جانے والی یہ تہہ 50 مائیکرو میٹرز سے بھی باریک ہے۔ اسے تیار کرنے کا طریقہ بھی نہایت آسان اور سستا ہے۔

یونیورسٹی آف کولوراڈو میں مذکورہ پروجیکٹ پر کام کرنے والے ایک محقق کہتے ہیں کہ عالمی درجہ حرارت میں اضافے کو دیکھتے ہوئے ایسی اشیا کی ضرورت میں اضافہ ہوگا جو عمارتوں کو ٹھنڈا رکھ سکیں۔

ac-1

اس مٹیریل کو نہ صرف بڑی عمارتوں میں ٹھنڈک پہنچانے کے لیے استعمال کیا جاسکے گا بلکہ یہ شمسی توانائی کے پینلز کو بھی ٹھنڈا رکھ کر ان کی عمر بڑھانے میں معاون ثابت ہو گا۔

اس کا استعمال ان پاور پلانٹس اور صنعتوں کے لیے بہترین ہوگا جہاں بھاری مشینری کو سرد رکھنے کے لیے بڑے بڑے پنکھے اور ایئر کنڈیشنرز نصب کیے جاتے ہیں۔ ان مقامات پر اس مٹیریل کی تنصیب توانائی اور پیسے دونوں کی بچت میں مددگار ہوگی۔

مزید پڑھیں: ماحول دوست پورٹیبل اے سی تیار

اسے تیار کرنے والے سائنس دانوں کا کہنا ہے کہ 10 سے 20 اسکوائر میٹر کی سطح پر اس کی تنصیب ایک چھوٹے گھرانے کی ٹھنڈک پہنچانے کی ضروریات پوری کرسکتی ہے۔

یہ مٹیریل وزن میں نہایت ہلکا ہے جبکہ اس کو بآسانی موڑا جاسکتا ہے۔ تاحال اسے فروخت کے لیے پیش نہیں کیا گیا، البتہ سائنس دانوں کا کہنا ہے کہ وہ اس میں مزید تبدیلیاں کر کے بہت جلد اسے مارکیٹ میں پیش کردیں گے۔

Print Friendly, PDF & Email

Comments

comments

یہ بھی پڑھیں