الجزائر: الجزائرکا فوجی طیارہ بوفاریک ایئر بیس کے قریب گرکر تباہ ہوگیا، حادثے میں 200 افراد کی ہلاکت کا خدشہ ظاہر کیا جارہا ہے.
غیرملکی خبر رساں ادارے کے مطابق شمالی افریقی ملک الجزائز میں بوفاریک ایئر پورٹ کے قریب فوجی طیارہ گر کر تباہ ہوگیا، طیارے میں سوار فوجیوں میں سے 200 افراد کی ہلاکت کا خدشہ ظاہر کیا جارہا ہے۔
الجزائر کے سرکاری خبر رساں اداروں کے مطابق الوشن 76 نامی فوجی طیارے کو پیش آنے والے حادثے میں 100 افراد ہلاک ہوگئے جبکہ ہلاکتوں کی تعداد 200 سے زائد بھی ہوسکتی ہے.
حادثے کی جگہ پر دھواں اٹھا ہوا دیکھا جاسکتا ہر جبکہ ریسکیو ٹیموں کو فوجی آپریشن جاری ہے. متاثرہ طیارے میں میں درجنوں فوجی دستے سوار تھے.
واضح رہے کہ چار سال قبل سن 2014 میں بھی الجزایرہ کا سی 130 فوجی طیارہ ملٹری اہلکاروں اور ان کے اہلخانہ کے ہمراہ پرواز کے دوران قسنطینہ کے بلند و بالا پہاڑوں سے ٹکرا کر حادثے کا شکار ہوا تھا، جس میں 77 افراد کی موت واقع ہوئی تھی۔
یاد رہے کہ دسمبر سن 2012 میں بھی الجزائرہ کی فضائی افواج کے دو طیارے معمول کی تربیتی پرواز کے دوران طیاروں کے آپس میں ٹکرانے کے باعث حادثہ پیش آیا تھا، جس میں متاثرہ طیاروں کے پائلیٹ ہلاک ہوگئے تھے۔
ایک ماہ قبل بھی الجزائزہ کا جڑواں ٹربو سی 295 طیارہ بینک نوٹ کے پیپرز لاتے ہوئے جنوبی فرانس میں گرکر تباہ ہوگیا تھا، سی 295 میں پانچ فوجی جوان سوار تھے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔
