سڈنی: آسٹریلیا کے عام انتخابات میں وزیراعظم اسکاٹ ماریسن کے لبرل نیشنل اتحاد نے واضح اکثریت حاصل کرلی، حزب اختلاف کے رہنما بل شارٹن نے شکست تسلیم کرلی۔
تفصیلات کے مطابق آسٹریلیا میں وزیراعظم اسکاٹ موریسن نے عوام کا شکریہ ادا کیا ہے کہ انہوں نے ان کی اتحادی حکومت کو ایک بار پھر منتخب کیا۔
آسٹریلیا کے عام انتخانات میں اسکاٹ موریسن کی پارٹی اور ان کے اتحادیوں کی فتح ایک غیر یقینی کے طور دیکھی جا رہی ہے۔
اسکاٹ موریسن نے عوام کا شکریہ ادا کرتے ہوئے کہا کہ وہ معجزات پریقین رکھتےہیں۔ اس سے پہلے رائےعامہ کے جائزوں کے مطابق حزب اختلاف کی جماعت لیبر پارٹی کی فتح یقینی تھی۔
غیرحتمی نتائج کے مطابق وزیرا عظم کی لبرل نیشنل اتحادی جما عت کوچوہتر نشستیں حاصل ہوئیں، جبکہ بل شارٹن کے حصے میں چھیاسٹھ نشستیں آئیں۔
دوسری جانب لیبر پارٹی اور خزب اختلاف کے سربراہ بل شورٹن نے انتخابات میں ہار مانتے ہوئے اپنے عہدے سے استعفیٰ دے دیا۔
واضح رہے کہ آسٹریلیا میں ہرتین سال بعد الیکشن ہوتے ہیں تاہم ملک کے مشکل سیاسی حالات کے پیش نظر 2007 سے اب تک کوئی بھی وزیراعظم اپنے عہدے کی مدت پوری نہیں کرپایا۔
