site
stats
صحت

کینسر کی تشخیص کے لیے مفت طبی کیمپ

کراچی: صوبہ سندھ کے دارالحکومت کراچی میں قومی ادارہ برائے امراض خون این آئی بی ڈی کے تحت خون کے امراض کی تشخیص کے لیے مفت طبی کیمپ لگایا جائے گا۔

این آئی بی ڈی کے میڈیکل ڈائریکٹر پروفیسر طاہر شمسی کے مطابق کیمپ اتوار 5 مارچ کو این آئی بی ڈی میں لگایا جائے گا۔

کیمپ میں کینسر کی تشخیص کا ٹیسٹ سی بی سی مفت کیا جائے گا۔

واضح رہے کہ پاکستان میں مختلف اقسام کے کینسر کی شرح تشویش ناک حد تک بلند ہو چکی ہے اور اس حوالے سے یہ ایشیا کا سر فہرست ملک ہے۔

ملک میں لاکھوں افراد چھاتی، جگر، پروسٹیٹ، منہ، ہونٹ اور اووری کے کینسر میں مبتلا ہیں۔ یہ تمام کینسر پاکستان میں نہایت عام ہیں۔

کینسر ٹیسٹ کے علاوہ کیمپ میں مفت اسکریننگ، ہیمو گلوبن کی جانچ کا ٹیسٹ ایچ بی الیکٹرو فورسز، سیرم، بی 12، فولک ایسڈ، فیریٹن سمیت دیگر کئی ٹیسٹ مفت کیے جائیں گے جبکہ شوگر اور بلڈ پریشر بھی چیک کروایا جاسکے گا۔

انہوں نے بتایا کہ کیمپ میں امراض خون کے 20 ماہرین پر مشتمل ٹیم موجود ہوگی جو مفت اپنی خدمات فراہم کر رہی ہے۔ یہ ماہرین مریضوں کے مکمل معائنے کے ساتھ انہیں مشورے بھی دیں گے۔

کیمپ رواں ہفتے اتوار کے روز صبح 9 سے شام 6 بجے تک فعال رہے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top