The news is by your side.

Advertisement

شوہر کے قتل کی سُپاری دینے والی خاتون کی تلاش

بھارت میں پولیس ایک ایسی خاتون کی تلاش میں ہے جو اپنے شوہر کو قتل کروانے کے لیے قاتلوں کو ایک لاکھ روپے کی سُپاری دے چکی ہے۔

میڈیا رپورٹس کے مطابق ریاست اوڈیشہ کی پولیس اس خاتون کو تلاش کر رہی ہے۔ پولیس کا کہنا ہے کہ ایک شہری کے قتل کا منصوبہ ناکام ہونے کے بعد سے اس کی بیوی فرار ہوگئی ہے۔

پولیس کو جس خاتون کی تلاش ہے اس کا شوہر بینایک بہیرا محکمہ ریلوے میں بطور سینیئر سیکشن انجینیئر کام کرتا ہے۔

کچھ روز قبل دو نامعلوم افراد نے بینایک بہیرا پر اسٹیل کے پائپ سے اس وقت حملہ کیا جب وہ شام کو چہل قدمی کر رہا تھا۔

چیخ و پکار سننے پر مقامی افراد نے اس کو بچایا تھا تاہم حملہ کرنے والے دونوں نامعلوم افراد موقع سے فرار ہوگئے۔

حملے میں بینایک بہیرا شدید زخمی ہوگیا اور مقامی ہسپتال میں اس کا علاج کیا جا رہا ہے۔

بینایک بہیرا نے اپنی بیوی سلسلہ بہیرا، اس کے ڈرائیور اشوک ساہو اور ایک اور شخص کے خلاف پولیس اسٹیشن میں شکایت درج کرائی تھی۔

پولیس نے چھاپے کے دوران اشوک ساہو کو تو گرفتار کرلیا ہے لیکن خاتون ابھی قانون کی گرفت سے آزاد ہے۔

پولیس کے مطابق اطلاع ملی ہے کہ خاتون ایک ماہ سے اپنے ایک مبینہ دوست کے ساتھ مختلف ناموں سے رہ رہی تھی۔

Comments

یہ بھی پڑھیں