اسلام آباد: شرپسندوں، دہشت گردوں اور ان کے سہولت کاروں پر زمین تنگ کر دی گئی۔ وفاقی دارالحکومت اسلام آباد میں سرچ آپریشن کے دوران 400 سے زائد مشتبہ افراد گرفتار کرلیے گئے، ملزمان سے اسلحہ بھی برآمد کر لیا گیا۔
تفصیلات کے مطابق دہشت گردوں کو ان کے انجام تک پہنچانے کے لیے سیکیورٹی ادارے متحرک ہوگئے۔
وفاقی دارالحکومت اسلام آباد میں پولیس، رینجرز اور حساس اداروں نے سرچ آپریشن کیا۔ آپریشن کے دوران افغان باشندے سمیت آٹھ مشتبہ افراد کو گرفتار کر لیا گیا۔
آپریشن کے دوران 4 بارہ بور بندوقیں، 4 پستول، ایک ریپیٹر اور متعدد گولیاں برآمد کرلی گئیں۔
مزید پڑھیں: ملک بھر سے 21 افغان اور 57 مشتبہ افراد گرفتار
دہشت گردوں کے خلاف پولیس، رینجرز اور حساس اداروں نے آپریشن اسلام آباد کے علاقےجوڑی راجگان شرقی، شاہین آباد اور ملحقہ علاقوں میں کیا۔
سرچ آپریشن کے دوران 270 گھروں اور 450 افراد کو چیک کیا گیا۔ سرچ آپریشن وفاقی وزیر داخلہ چوہدری نثار علی کی ہدایت پر کیا گیا۔
